Select Page

Verkefni 2010

24.júlí – 8. ágúst

Sýningarverkefnið Dalir og Hólar 2010 – ferðateikningar

http://gamli.nyp.is/dalirogholar2010/index.html

—————————

25.júlí kl. 16:00

Málþing að Nýp:
Matthías Jochumson 175 ára;

Í ár eru liðin 175 ár frá fæðingu Matthíasar Jochumsonar að Skógum í Þorskafirði, en hann fæddist þar þann 11. nóvember árið 1835. Að þessu tilefni verður málþing að Nýp og hefur Kristjáni Árnasyni þýðanda og bókmenntafræðingi verið boðið að flytja erindi um þýðingar og skáldskap Matthíasar, en einnig mun Þórunn Erlu – Valdimarsdóttir rithöfundur fjalla um bernsku skáldsins að Skógum.

———————–

6. júní

Dagur hinna villtu blóma
Gönguferð

Gengið milli Fagradals og Nýpurdals og hugað að villtum jurtum undir leiðsögn Höllu Steinólfsdóttur og Þóru Sigurðardóttur.

Lagt af stað frá bænum Ytri-Fagradal kl. 13:00, áætluð göngulok eru um kl. 15:30 að Nýp. Gengið niður túnið að Fagradals-árósnum og síðan meðfram fjörunni og göngunni lokið með því að ganga óseyrar Nýpurár, upp með ánni og heim að bænum Nýp, í mynni Nýpurdals.

Á Degi hinna villtu blóma gefst fólki víðs vegar um landið kostur á að fara í tveggja tíma gönguferð um nágrenni sitt án endurgjalds, og fá leiðsögn um algengustu plöntur sem þar vaxa. Dagur hinna villtu blóma er haldinn á öllum Norðurlöndunum auk Færeyja og Grænlands en var fyrst haldinn á Íslandi sumarið 2004. Gönguferðir þessar eru ókeypis fyrir þátttakendur og ekki þarf að tilkynna þátttöku fyrir fram, heldur aðeins mæta á auglýstum stað á réttum tíma.

—————————

21.-24. ágúst

Keramik og hönnun
Ofnbrennsla; eld- og gasbrennsla í útiofninum Nýpu.