Select Page

2012

Verkefni Nýpurhyrnu  2012

3. júní

Hringurinn, félag til styrktar Barnaspítala Hringsins heimsækir Nýp.

Leiðsögn um staðinn, frásagnir af verkefnum Nýpurhyrnu og samstarfi við Myndlistaskólann í Reykjavík, hönnuði, myndlistamenn og fræðimenn. Sýnd dæmi um nýja hönnun hluta sem brenndir eru í leirbrennsluofninum að Nýp með glerungum úr dalaleir og íslenskum jarðefnum.

www.hringurinn.is
———————————–

17. júní

Dagur hinna villtu blóma;

Mæting er kl. 10 að Ytri-Fagradal á Skarðsströnd. Gengið verður upp Nónhlíð á brún Fagradalsfjalls. Fjallið er ákaflega grösugt ofan og dásamlegt útsýni yfir Breiðafjörð. Farið verður eftir brúninni að Nýpurhyrnu, niður í Nýpurdal og að Nýp. Boðið verður upp á jurtate að göngu lokinni og bílferð til baka í Ytri-Fagradal. Leiðsögn er í höndum Þóru Sigurðardóttur á Nýp og Höllu Steinólfsdóttur í Ytri-Fagradal.

http://www.floraislands.is/Annad/blomdag.html

 

 

 

 

 

 

 

—————————

30. júní

Dalir og hólar 2012 / FERÐ   30. júní – 12. ágúst
Opnun myndlistasýningarinnar  Dalir og hólar kl. 14:00 í Ólafsdal.   Sjá vefsíðu verkefnisins  :   http://dalirogholar.nyp.is/

Myndlistamennirnir Cai Ulrich von Platen (Dk), Inga Þórey Jóhannsdóttir, Einar Garibaldi Eiríksson, Guðrún Hrönn Ragnarsdóttir, Ólafur S. Gíslason

Myndlistamennirnir  hafa aðstöðu að Nýp á meðan vettvangskönnun stóð og er þeir undirbjuggu verk sín og komu þeim fyrir á sýningarstöðunum. Dalir og hólar eru styrkt af Menningarráði Vesturlands, Statens Kunstfond (Dk) Statens Kunstraad (Dk), Nýpurhyrnu, Ólafsdalsfélaginu, Byggðasafni Dalamanna Sælingsdal, Eyjasiglinu.

Sýningarstjórn: Sólveig Aðalsteinsdóttir og Þóra Sigurðardóttir

Hluti úr verki Cai Ulrich von Platen í Staðarhóli, Saurbæ

 

 

 

 

 

 

 

Hluti úr verki Cai Ulrich von Platen í Staðarhóli, Saurbæ

————————-

30. júní  kl. 10:00

Hjólahópur á vegum Ut mot Vest (http://www.gowest.is/)  kemur við að Nýp og fær leiðsögn um staðinn

————————-

29. júlí  kl. 11:00

Gönguhópurinn Gangleri kemur við að Nýp og fær leiðsögn um staðinn, fjallað um endurbyggingu eyðibýlisins Nýpur, verkefni Nýpurhyrnu og tilraunasmiðjur um íslensk jarðefni í glerungagerð

———————–

19. ágúst sunnudag, kl. 14:00

Fyrirlestur að Nýp:
Dr. Einar G. Pétursson  mun fjalla um Guðbrand Vigfússon (1827-1889) frá Litla-Galtardal á Fellsströnd

Guðbrandur Vigfússon (1827-1889) var málfræðingur og textafræðingur.
Hann var einn af fremstu norrænufræðingum 19. aldar og starfaði lengst
í Oxford á Englandi. Erindið verður um Guðbrand, ættir hans, uppvöxt,
námsferil og ritsstörf. Guðbrandur var trúlofaður Elínborgu
Kristjánsdóttur Magnusen á Skarði og eru um það heimildir í bréfasafni
Guðbrands í Oxford. Getið er samskipta Guðbrands og Jóns Sigurðssonar
og einnig við norska fræðimanninn Unger og þýska fræðimanninn Maurer,
sem studdi sjálfstæðisbaráttu Íslendinga og vann að útgáfu Þjóðsagna
Jóns Árnasonar.  Guðbrandur fór til Englands 1864 og dvaldi þar til
dauðadags 1889. Merkustu verk hans þar eru ensk-íslensk orðabók og
útgáfa Sturlungu.

Einar G. Pétursson er fæddur 1941 í Stóru-Tungu á Fellsströnd, stúdent
úr Menntaskólanum á Akureyri 1961, cand. mag. í íslenskum fræðum frá
Háskóla Íslands 1970 og doktor frá sama skóla 1998. Hann  starfaði
lengst af við Stofnun Árna Magnússonar og er nú rannsóknaprófessor
emeritus.

—————-

23.-24. ágúst

Nemendur úr Mótunarnámi Myndlistaskólans í Reykjavík heimsækja Nýp

Nemendurnir í fyrsta áfanga í MÓTUN / keramikhönnun. Nemendum kynnt saga, náttúra og umhverfi  Nýpur, leirinn í jarðlögum svæðisins og nýting hans. Jafnframt fá nemendur innsýn í leirbrennslu í eldofninum og skoða dæmi um árangur brennslu.

http://myndlistaskolinn.is/node/166

—————-

12.-14. september

Keramikbrennsla í ofninum Nýpu

Nemendur úr Mótunarnámi Myndlistaskólans brenna glerungabrennslu. Nemendur blanda glerunga úr íslenskum jarðefnum m.a. Dalaleir –  kennari/brennslustjóri Bjarnheiður Jóhannsdóttir